NRK Meny
Normal

Kara-Rock 30 jagi geažes fas

Klemet Turi ii loga iežas áigut gal lágidit Kara-Rock šat go juo poletiját eai diktán sin lágidit olgokonsearta guhkelii go ovttaáigái idjii. Ná masse sii dietnasa.

Kara-Rock lágideaddji Klemet Turi

Kara-Rock lágideaddji Klemet Turi

Foto: Evald Nordsletta

Gula ášši

Eai lean olu olbmot Kárášjoga Kroa Kara-Rock doaluin mannan vahkkoloahpa. Galbma dálki soittii lean sivva dasa, muhto lágideaddji Klemet Turi gal oaivvilda oanehis čuojahanlohpi dat bilidii sin ovddas.

Čuojahanlohpi 01.00 rádjai

Poletiját eai addán sidjiide lobi lágidit olgokonseartta guhkkelii idjii go ovtta rádjai. Klemet Turi moaitá dán ja lohká ahte dalle han easka olbmot boađadišgohtet olggos. Danne son ii gal šat lágit dákkáraš doaluid go juo eai beasá guhkit čuojahit olgun go ovttaáigái idjii.

Rámida čuojaheaddjiid

Turi rámida musihkkáriid go sis lei buorre mokta, vaikke eai beassan čuojahit nu guhká go álggos ledje áigon. Sis ledje musihkkáriin šiehtadusat juo áigá dahkkon, muhto poletijáid diehtu das ahte eai beasa čuojahit guhkit go ovttarádjai idjii, dat ii boahtán ovdalgo mánu ovdal doaluid.

Olbmot movttat

Olbmot geat bohte doaluide illudedje ja muhtimat muitaledje iežaset šaddan fas nuorran, dahje máhcce nuorravuhtii go gulle Blizzard joavkku čuojaheamen. Ellen Birkey Lillebo muitala iežas gal illudan sakka, ja vuolggášii áinnas fas Kara-Rock doaluide jos dat lágiduvvošedje fas.