NRK Meny
Normal

Kanada rissehallá olmmošvuoigatvuođa áššis

Kanada stáhtaministtar ja ráđđehus ferte gierdat garra moaitámušaid movt sii láhttejit iežaset álgoálbmogiiguin.

Stephen Harper. Statsminister i Canada.

Kanada stáhtaministtar Stephen Harper ii dáhtošii guorahallamiid mat čájehit mo álgoálbmot nissonat leat gártan gilládit iežas riikkas.

Foto: Chris Wattie / Scanpix/Reuters

Riikka iežas nationála olmmošvuoigatvuođaid kommišuvnna ja amerihkálaš organisašuvnna Human Rights Watch, dat leat garrasit cuiggodan ráđđehusa. Dan dahke go ON Olmmošvuoigatvuođaid komitea gulaskuttai ikte Geneves, guđe láhkai kanadalaš stáhta ollašuhttá mearrádusaid mat leat riikkaidgaskasaš konvenšuvnnas siviila ja politihkalaš vuoigatvuođaid birra.

Kanada konservatiiva ráđđehus ja oaiveministtar Stephen Harper leat gieldán riikkadásis guorahallamis, mii lea dáhpáhuvvan máŋggainčuđiin álgoálbmotnissoniin, geat leat jávkan dahje goddojuvvon ja geaidda eai dieđe ságaid.

Odne galgá Kanada ráđđehus vástidit moaitámušaide, ja lea vurdojuvvon ahte stáhta ovddasteaddjit šiitet eiseválddiid váilevaččat ollašuhttán álgoálbmogiid olmmošvuoigatvuođaid.

Gaskavuohta lea vearránan

Oaiveministara Stephen Harpera ja su ráđđehus gaskavuohta Kanada álgoálbmogiidda lea maŋimuš vahkuid bastilis čalmmiiguin dárkojuvvon, earenoamážit maŋŋá go álgoálbmogiid dili guorahalli Duohtavuođa ja seanadeami komišuvdna almmustahtii iežas varraseamos raportta. Das válddahallá komišuvdna Kanada internáhttaskuvllaid kultuvrralaš olmmošgoddimin álgoálbmogiid vuostá. Raporttas lohká maid ahte ráđđehusa dálá gaskavuohta álgoálbmogiidda lea sakka vearráneamen oahppoáššiid, mánáid áimmahuššama ja vuoigatvuođariidduid dihtii.