Kanada ovdagovvan
Kanada lea mearridan loktet álgoálbmotáššiid eará dássái. Nu almmuhedje ikte ON álgoálbmotáššiid bissovaš forumas New Yorkas. Kanada láhkaministtar Carolyn Bennett dat almmuhii dán ikte ja lei okta dain stuorámus ođđasiin dien čoahkkimis ikte. Norgga sámediggepresideanta Aili Keskitalo lohká ahte son maid vuordá dies váikkuhusaid Sápmái, go dán rádjai han leat davviriikkaid eiseválddit lohkan iežaset čeahpimussan álgoálbmotáššiin, mat datte eai soaitte leat, lohká son. - Dál go Kanada orru váldimin dakkár njunuš saji álgoálbmotáššiid ovddideames, de das soitet buorit váikkuhusat maid davviriikkaid politihkkáriidda, nu go maid sámiid dili hárrái, lohká Keskitalo.