Cecilie Lanes girji
Foto: ČálliidLágádus«Gii lea váldán guovssahasa» lea girječálli Cecilie Lanes vuos čállán dárogillii, dasto lea dat jorgaluvvon eŋgalas-, duiska-, jáhpana- ja sámegillii. Lanes ii gal navdde jođihit sámegielgirjjiid seamma bures go dárogielgirjjiid, muhto lea buorre go sámegilliige almmustuvvet su girjjit. Son lea maid čállán girjji «Trolljakten». Dat lea jorgaluvvon gávci gillii, muhto ii fal sámegillii, dáro-, eaŋgalas-, fránska-, spánska-, italia-, látvia-, duiska- ja ruoššagillii.
ČálliiLágádus almmuhan girjji sámegillii
Girječálli Cecilie Lanes lei ieš almmuhandoaluin ČálliidLágadusa Girjjálašvuođaguovddážis Kárášjogas. Son illudii go beasai mánáiguin deaivvadit, dannego ii son dábálaččat deaivvat mánáiguin. Ollesolbmot dat osttet mánáide girjjiid. Erenoamaš somán lohká lean go beasai deaivvadit sámegielat mánáiguin.
Ieš šaddan bajás sámi birrasis
Iežas muitala bajásšaddan Vuošvákkis Davvi Romssas. Doppe sin áhkkut ja ádját hálle sámegiela, de sámegiela son gal gulai mánnán beaivválaččat.
Cecilie Lanes orru Tromssas, lea oahppan juristta, muhto čállá girjjiid mánáide. Vaikke dal leage sus juristtaoahppu, de ferte son beare bargat dan maid buot eanemusat hálida. Son čállá girjjiid mánáide, juristtabarggu gal sáhttet earát doaimmahit. Muitalusaid maid son fuomáša, daid sáhttá dušše son čállit , iige oktage eará, lohká girječálli.
Gula girječállis Cecilie Lanes
