NRK Meny
Normal

Juovlakoarttat muittuhit mánnávuođa

Slependenis, veahá máttabealde Oslo ássá Kárášjoga almmái Jens Ingvald Setereng. Alddis muitala buriid muittut badjánit go geahčada ovddešáigge juovlakoarttaid.

Jens Ingvald Setereng juovlakoarttaiguin
Foto: Brita Åse Norlemann

Jens Ingvald Setereng

Jens Ingvald Setereng

Foto: Brita Åse Norlemann

Jens Ingvald Setereng lei dušše 18-jahkásaš go guđii Kárášjoga. Dál son lea 50-jagi orron máddin, muhto ain leat muittut mánnávuođa guovlluide nannosat, nugo juovlamuittut. Juovlagoarttat dat boktet erenoamaš olu juovlamuittuid iežas mánnávuođas.

Jaskes ja ráfálaš ásodatguovllus Slependenis, moadde miilla máttabeal Oslo, doppe oroda 68-jahákaš Jens Ingvald Setereng eamidiinnis. Goappašagat leaba ealáhahkii ollen, ja Jens Ingvald golaha dál olu áiggi iežaska beatnagii, - beaivválaččat vázziba mánggaid diimmuid, muitala son. Vaikko vihttalotjagi lea orron máddin, de sus lea ain hirbmat nanu sámegiella ja maiddái muittut mánnávuođa guovlluin Válljogas, leat nannosat.