NRK Meny
Normal

Juoigalasat Riddu Riđđu festiválas

Vihttá juoigi serve Riddu Riđđu festivála geassekursii. Odne ovdanbukte iešguđet luđiid festivála prográmmas.

Vihttá sámi juoigi Riddu Riđđu festiválas.

Sámi Allaskuvlla lágida dán geasi kurssa "Sámi musihkas ja juoigamis". Riddu Riđđu festiválas lei nubbi deaivvadeapmi. Loahpaheapmi ja eksamen čađahuvvo Ijahis ija festiválas Ánaris, Suomas.

Vihttá juoigi

Vihttá juoigi oasálasteje Riđđu festiválas odne maŋŋelgaskabeaivvi. Alggadettin ja loahpaheamis juige sii fárrolagaid. Juoigit, Ella Eira, June Brita Eira, Karen Proksi, Áilu Walle ja Inga Marie Sarre.

Duhtávaš juigiiguin

Sara Margrethe Oskal

Sámi Allaskuvlla koordináhtor, Sara Margrethe Oskal lea duhtávaš juigiiguin geat serve Riddu Riđđu festiválas odne.

Foto: Klemet Anders Sara / NRK-Sápmi

Sámi Allaskuvla lea čađaheamin lávlalasaid ja juoigalasaid kurssa, golmmá deaivvadeamis. Kursalaččat ledje vuos Ohcejogas mannan mánu alggu, dál Riddu Riđđu festiválas ja loahpaheapmi Ánaris, suomabeal boahtte mánu 13. ja 14. beaivvi.

Sámi Allaskuvlla koordináhtor, Sara Margrethe Oskala mielas manái bures juigiid ovdanbuktimis Riddu Riđđu festiválas, ja jáhkká maid ahte ahte lihkostuvvet maid Ánaris.