NRK Meny
Normal

Juoigan ealáskeamen meara bealde

Juoigan orru ovdáneamen ja eanet dohkkehuvvomin, oaivvilda juoigiidsearvvi jođiheaddji Biret Risten Sara. Go vel Ipmilage máidnot luohtešuoŋaiguin, muhtin guovlluin.

Biret Risten Sara
Foto: Elvi Rosita Norvang / NRK

Juoigan lea leamaš sámi árbevierru don doloža rájes. Okt nubbi bidjálii luođi ohppásiidda, ja mánáide ges bidje dovnnaid. Ii dáidde leat nu ahte juoigan gullá dušše boazodollui. Ovdalis áiggiid lei áibba dábálaš bidjat olbmuide luđiid. Dalle maid rohttehedje luođi go deaivvadedje.

Illuda go gullá mánáid juoiggadeamen

Juoigiidsearvii jođiheaddji oaidná ávkki johtit skuvllaid mielde ja oahpahit mánáide luđiid. Son lea ieš ovdalge fitnan dákkár oahpahusmátkkiin, muhto easka dál oaidná bohtosiid. Dál lea son vásihan ahte mánát iluin juoiggadit, sii báhcet vel juoiggadit go son vuolgá skuvllas. Dáinna vásáhusain illuda juoigiidsearvvi jođiheaddji Biret Risten Sara.