NRK Meny
Normal

Hárjehallá luđiid stáljas

11 jahkásaš Hanna Siri Kristoffersen Noste lea fitnen geassebarggu. Son galgá juoigat turisttaide Deanu Hoteallas.

juoigi Hanna Siri Kristoffersen Noste
Foto: Dragan Čubrilu / NRK

Son ii leat eanet go 11 jahkásaš, muhto dál juo lea son fitnen geassebarggu. Iežas muitala Hanna Siri álgán juo áibba mánnán juoigat, dalle juo go son lei mánáidgárddis.

Heasttat gullet luđiid

Hanna Siri lea dávjá stállas gos leat máŋga heastta, doppe son oahpahallá ollu luđiid. Heasttat dat besset vuos álggos gullat su luđiid, dasto son juoigá turisttaide hoteallas.Iige das galle , son riide heastta ja riidentávttamielde maid juoiggada.

Rumbu veahkkin

 

 

Hanna Siri Kristoffersen Noste
Foto: Dragan Čubrilo / NRK

Ieš son dearppada vel rumbbu go lea guoimmuheamen turisttaid. Dáinna son bures nagada doalahit távtta.

Norge Rundt sáddagis

Dál oidno maid Hanna Siri Norgga beakkánis tv-prográmmas Norge Rundt:s. Das oaidnit su oahpahallamin luđiid stállas ja maiddái go son goaimmuha gussiid luđiin Deanu hoteallas gos son galgá juoigat miehta geasi.

Gula jearahallama Hanna Siri Kristoffersen Nostein

Geahča Hanna Siri