Sámegielav åhpaj musihka tjadá

Ánndaris Rimpi l má sámegielav ållessjattugin oahppam.

Sån la tjielgas gåktu sån la sámegielav oahppam.

Rimpi javllá musihkka l sunji stuorra viehkken læhkám gå galgaj sámegielav oahppat.

– Gå bieja tevstav musihkkaj, de oattjo riekta vuogev gåktu bágojt jiednadit, ja gånnå l dæddo juohkka bágon. Da la buorre vuohke gielav oahppat.

– Vájk tjuohte bále

Ánndaris Rimpi la má operalávllo, ja la hárjjánam moatte giellaj lávllot. Rimpi l aj lávllum Disney-filman Jieggŋum 2.

Nav la sån aj hárjjánam moatte láhkáj lávllot.

Rimpi la åtsådallam ietjá gielajda lávllot la buorre vuohke jus galggá gielav oahppat.

– Jus galga buohtastahttet dav jus dagu tevstav lågå, da i diede gånnå galga dættov biedjat juohkka bágon, ja gåk dat gullu, ja gåk giellatjuojalvis sjaddá. Biedjat dav musihkkaj la stuorra viehkke, tjielggi Rimpi ja joarkká.

Buorre vuohke gielav oahppat

Buorre vuohke la musihka tjadá gielav oahppat, tjuottjot Ánndaris Rimpi ja nammat aj dan aktijvuodan suohttasabbo l lávllagav háddit tjuohte bále gå ietjá lahkáj háddidit.

– Guhkalussjá má háddidallat gå galga låhkåt, valla gå lávlo dav tjuohte bále, de manná buorep. Så dat la buorre vuohke gielav oahppat.

Gulldala ienep dán ássje birra dánna:

Dánna aj oattjo javllamusihkav muossádit mav Ánndaris Rimpi CD:an dijmmá almodij.