Girjji juotna geasuha lohkki álggus gitta lohppii, lohpida lágádus. Girječálli geažida dáhpáhusaid ja suollemasvuođaid ja dađistaga leahkkasit vástádusat.
Almmuhandilálašvuohta lea odne lávvordaga Gáregasnjárgga gilidálu Sáivvus. Girječálli Jovnna Ánde Vest boahtá ieš almmuheapmái. Dilálašvuohta álgá diibmu 17 Norgga áiggi.
Nu dieđiha
.Vest lea riegádan Ohcejogas Suomas, muhto orru dál Frankriikkas. 2003:s oaččui son Sámeráđi girjjálašvuođabálkkašumi románain Árbbolaččat 2. Su girji Árbbolaččat 3 nammaduvvui Davviriikkalaš Ráđi girjjálašvuođabálkkašupmái 2006:s.
Astrid ja Anton
Girjjis lea dáruiduhttin váldoáššin, muhto lea maid muittohuvvamis sáhka.
Váldopersovdna Astrid ja su isida eallin rievdagoahtá go nuoramus mánáidmánná Anton riegáda. Son lea áibbas earálágan go su oappát. Dát suorggaha bearraša ja erenoamážit Astrida. Son jaskkoda ja geassáda Astrid eanet ahte eanet olbmuin. Loahpas son muittohuvvá.
Ádjás ja Antonis šaddá hirbmat buorre oktavuohta. Nie oahpásmuvvá Astrid maid Antoniin. Son movttiida Antonii muitalit iežas mánnávuođas. Son geardduha ja geardduha muitalusa sudno áhčiin heastamátkkiid.
Davvi Girji almmuha girjji.
- LOGA MAID: