NRK Meny

Journalistabálkkašumit

Divttasvuona nisu, Maria Mikkelsen, lea ovttas Synnøve Åsebain nammaduvvon "Den store journalistprisen 2015" ja Skup-rogganbálkkašumi evttohassan iežaska čállosiin "Historien om Odin", mii lea almmuhuvvon VG-áviissas.

Maiddái NRK-Sámi journalistta Eilif Aslaksen lea nammaduvvon Skup-rogganbálkkašumi evttohassan "Finnmárku boazologu"-barggu oktavuođas.

"Den store journalistprisenii" leat guhtanuppelogis nammaduvvon ja Skub-roggánbálkkašupmái ges 63 evttohasa. Goappašat bálkkašumit geigejuvvojit njukčamánus dán jagi.