Moitojuvvon Joika-ovttasbarggu dihtii

Tise ja Nortura leat ožžon olu moaitagiid maŋŋil go almmuhedje Joika-gilvvu. 60-logu stereotiippat, oaivvilda Sámiráđđi.

Tise samarbeid med Joika og Nortura

MOITOJUVVON: Gilvvus lea ain vejolašvuohta vuoitit biktasiid, main lea Joika-mearka. Dán eai leat vel jávkadan.

Foto: Skjermdump Tise / Bildemontasje: Anders Boine Verstad

Les på norsk / Loga dárogillii.

Vuossár’eahkeda almmuhii ođđasisatnin-áppa, Tise, gilvvu mas lea vejolašvuohta vuoitit Joika-gálvomearkkain merkejuvvon biktasiid.

Biktasiin lea dovddus Joika-logo. Dát logo gullá beakkán mearkagálvui, mii lea leamaš Norgga buvddain 60-logu rájes.

Dalle go Joika geavahišgođii earálágan burkke, de ásahii maiddái ovttasbarggu Tise-fitnodagain.

Tise lea applikašuvdna, man bokte lea vejolaš oastit ja vuovdit geavahuvvon biktasiid neahtas. Norgga beakkálmas Jenny Skavlan, lea okta fitnodaga eaiggádiin.

Maŋŋel go Tise moitojuvvui, de jávkadedje Joika-gova, man ledje almmuhan iežaset Instagram-siiddus. Gilvvu eai leat vel heaittihan applikašuvnnas, vaikko vel gova leatge jávkadan.

Joika med kleskolleksjonssamarbeid med Tise

SIHKKON: Dán gova leat sihkkon Tise Instagram-siiddus vuossár’eahkeda maŋŋel go ožžo olu moaitagiid.

Foto: Skjermdump Tise / Bildemontasje: Anders Boine Verstad

– Árvvus atnit min kultuvrra

– Mii bivdit sin árvvus atnit sámi kultuvrra ja vuhtiiváldit min rievtti defineret iežamet ja movt mii dáhttut iežamet ovdanbuktojuvvot, dadjá Sámiráđi kulturossodaga jođiheaddji Christina Hætta.

Sámiráđđi lea politihkalaš organisašuvdna, mii ovddida sápmelaččaid Suomas, Norggas, Ruoššas ja Ruoŧas.

Christina Hætta

Hárdá: – Oažžut garra dovdduid dán áššis goo ii leat vuosttaš geardde ahte mii vásihat dákkar stereotyhpifiseringa, dadjá Christina Hætta.

Sii oaivvildit ahte «Joika» biergogáhkuid designa govvida sápmelaččaid stereotiippalaččat ja doalaha karikatuvrralaš ja eksohtalaš gova sis.

Kultuvrralaš appropriašuvdna

Nortura ja Tise leaba dál čoahkkinastimin ja mearrideamen galget go joatkit ovttasbarggu vai eai.

«Lehpet go jurddašan ráhkadit eará kollekšuvnnaid, main minoritehta olbmot govviduvvojit karikatuvrralaččat», lei okta kommentárain Instagramas.

Nordlys áviisa dat namuhii ášši álggos.

Eanaš cuiggodeamit guske kultuvrralaš appropriašuvdnii. Dát lea doaba, mii mearkkaša ahte juoga váldo ovtta kultuvrras ja geavahuvvo eará kultuvrras.

– Vealahan-designa

Artista ja servodatberošteaddji Ella Marie Hætta Isaksen, gii lávlu ISÁK joavkkus, lea maiddái searvan digaštallamii.

Son moaitá Joika ja Nortura, ja oaivvilda sin galgat rievdadit sihke nama ja logo.

– Sii leat rievdadan burkke, muhto eai leat rievdadan vealahan-designa, dadjá Hætta iežas Instagramas.

Tise-gilvvus sáhttet earret eará vuoitit baskkes báiddi, oanehis báiddi ja gahpira, mas lea Joika-mearka.

Stjernekamp 2019

Ii ahte oavvila: Ella Marie Hætta Isaksen sihttá Nortura rievdadit nama ja logo sin joika-produvttas.

Foto: Julia Marie Naglestad / NRK

«60-logu stereotiippat»

Sámiráđi Christina Hætta oaivvilda borramušgálvvu gullat ovddešáigái.

«Mii sápmelaččat háliidat beassat eret 60-logu stereotiippain ja joikagáhkuin (main dušše lea 17% bohccobiergu), čuožžu mu to-do-listtas», čálii Hætta Tise-siiddus.

Joikakaker skal over på kartong.

BOARES JA OĐĐA DOAVDNJI: Gurut bealde lea boares doavdnji ja olggeš beale ges ođđa.

Foto: Håkon Vårhus Sagen / NRK

Sámiráđđi sihtá dál Tise loahpahit olles kampánjja.

Tise ii leat vástidan dása. Sii eai loga alddiineaset eanet dieđuid go dan maid leat vástidan Nordlys-áviisii.

«Mii leat mearridan sihkkut Instagram-poastta go olbmot leat moaitán ja atnán dan kultuvrralaš appropriašuvdnan ja dat lea bávččagahttán ja loavkašuhttán olu olbmuid. Mis ii lean jurdda loavkašuhttit geange ja mearrideimmet sihkastit dán poastta, čálii Tise márkanhoavda Victoria Hauk áviisii e-poastta bokte.

NRK lea váldán oktavuođa Norturain, geat vuvdet Joika-buktaga. Sii atnet váidalahttin go buvtta lea loavkašuhttán ja eaddudan olbmuid.

– Sii hirpmástuvve go Tise moitojuvvui dán ovttasbarggu dihtii. Dán mii váldit vuhtii viidáset barggus, dadjá Nortura gulahallanráđđeaddi Marthine Haugen Petersen.

Son lasiha vel ahte Nortura leat plánemin ođasmahttit Joika-buktaga designa.

Korte nyheter

  • Vil ha platinagruve i samekommune

    Gruveselskapet Fedorova Resources presenterte sine nye planer på et informasjonsmøte i Lovozero på torsdag. De vil starte ny gruvedrift 60 kilometer fra Lovozero sentrum. Gruven skal utnytte metaller, som hører til platina-gruppen. Selskapet sa på møtet at de vil ha en dialog med samene i området og undersøke hvordan innvirkning gruvedriften kan ha på økologien. Planen er å starte gruvedriften i 2027. Gruveselskapet lover nye arbeidsplasser og opplæring av lokale arbeidere.

    Loga sámegillii

    Infomøte Fedorova Resources
    Foto: Jevgenij Kirillov / Frilans
  • Plánejit platinaruvkki Lujávrái

    Ruvkefitnodat Fedorovo Resources lea álggaheamen barggu Lujávrri gielddas. Plánaidis birra fitnodaga ovddasteaddjit muitaledje duorasta čoahkkimis Lujávrris. Fitnodaga áigu 60 kilomehtera eret Lujávrri čoahkkebáikkis ávkkástallat metállaid, mat gullet platina-jovkui. Čoahkkimis ruvkefitnodaga ovddasteaddjit čilgejedje, ahte ovdalgo huksegohtet infrastruktuvrra, sii háliidit gulahallat báikkálaš sápmelaččaiguin ja iskat ávkkástallama váikkuhusaid ekologijai. Metállaid ávkkástallama háliidivčče álggahit jagis 2027. Seammás fitnodat lohpida ođđa bargosajiid ja oahpahit Lujávrri gieldda olbmuide dán barggu.

    Les på norsk

    Infomøte Fedorovo Resources
    Foto: Jevgenij Kirillov / Frilans
  • Koronanjoammu lassána Romssas

    Vássán jándoris leat dieđihuvvon 49 ođđa njoammuma Romssas. Oppalohkái leat 113 olbmo Romssas erremis covid-19 geažil. Universitehtabuohcceviesus leat dál 20 koronabuohcci. – Dál eai leat makkárge ovttaskassivat manne njoammu fáhkka lassána. Eatge dieđe joatká go lassáneapmi, dadjá njoammubajitdoavttir Trond Brattland.

    Lang kø ved testsenteret for korona i Tromsø sentrum
    Foto: Veronica Turnage / NRK