Johtu lea joavku mas juoigit ja dánsejeaddjit. Johtu joavku searvá Riddu Násttit gilvui čájáhusain maid leat gohčodan “Dat mii doallá”.
Dánsun čájálmas bistá sullii 15 minuhta. Koreográfa Elle Sofe Henriksena inspirašuvdna dán bihttái lea olbmuid badjelmearásteapmi.
Oastit oastit
Bálkut bálkut
Eat goassege gallán Eat goassege duđa
Elle Sofe Henriksen ráhkada abstrákta koreografiijaid, dakkáriid main ii leat čielga muitalus dahje juotna. Leat lihkastagat, musihkka, luohti ja ollisvuohta mii addá gova maid olmmoš beassá ieš dulkot.
Luohti ja dánsa
Johtu jovkui gullaba juoigi guovttos Inger Biret Gaup(Guovdageaidnu, 20) ja Ol Johan Gaup(Guovdageaidnu, 21). Dánsejeaddjit Hanne Olsen (Alta, 18 år), Hanna Reinsnes Moen (Alta, 18 år), Hanne Øygard (Alta, 18 år) ja bagadalli ja dánsejeaddji Elle Sofe Henriksen(Guovdageaidnu, 24).
Gula: Go joavkkus muitala ákkaid manne guldaleaddjit galget sin jienastit.
Geahča govaid sin eará čájálmasain Canadas ja Borealis festivála rahpamis!
Johtu joavkkus eai leat vuos govat iige filbma “Dat mii doallá” bihtás, muhto galerijas sáhtát geahččat govaid ja filmma eará čájalmasain mat sis leat leamášan.
Joavku jáhkká ge ahte sin čájáhus lea juoga maid olbmot eai leat goassege ovdal oaidnán! Ja lohket na; Jienas Johtu joavkku ja “Dat mii doallá” čájálmasa jus háliidat oaidnit juoidá maid it jur juohke beaivve oainne dahje gula.
