NRK Meny
Normal

Luo-Mus guossi gii almmuha cd Durkkus

Son lei dušše lunta go mearridii ahte háliida šaddat musihkkárin, ja su áigumuš ollašuvai. Johan Sara jr lea dán áigge dovddus namma sámi musihkkamáilmmis.

Movttegis guossi Luo-Mus Máilmmis
Foto: Wenche Marie Hætta / NRK

Johan Sara jr Luo-Mus Máilmmis 5/9-08

Almmuha ođđa cd Durkkus

Johan Sara jr. lea gearggus almmuhit iežas goalmmát cd man lea gohčodan "Mino/Mano", ja son lea válljen dan almmuhit liegga riikkas Durkkus. Ii leat dábálaš ahte sámi artisttat mannet guhkás eret ruovtturiikkas almmuhit musihkaset. Muhto Johan Sara jr lea ná válljen dahkat danne go lea ovttastahttán iežas musihka durkkalaš musihkain.

Guokte jagi son lea bargan dáinna cdain, ja su durkalaš ustiba vehkiin beasai ge Durkkas báddet dán musihka studios. Norggas lea son lasihan veahá jienaid, ja gárvásit heivehan musihka.

Dá lea oassi Johan Sara jr musihkka-eallimis:

  • Cd "Ovcci vuomi ovtta veaiggis" 1995
  • Cd "Čalbmeliiba" 1999 . Dás ledje maiddái mielde Inga Juuso, Rogelio De Badajoz Duran, Erik Steen ja Jai Shankar Sahajpal.
  • Cd "Boska" 2003
  • Cd-prošeakta NRK Sámi radio IZU doaimmahusa ovddas. Dás lei Johan Sara jr ráhkadan šuoŋaid maid Slincraze ja Ivan André Skum (Duolva Duottar) lávlluiga.