NRK Meny
Normal

Joavkkut geassádan EM-čiekčamiin

Leat dušše gávcci joavkku mat servet Conifa EM-čiekčamiidda Debrecenis, Ungáras, golmma váhku geahčen.

Conifa World Cup 2014

Olu joavkkut geassádan EM-čiekčamiin, muhto mannan jagi Conifa World Cup vuoitit, County of Nice (govas) servet.

Foto: Sergey Gavrilov/NRK / NRK

Álggus ledje 12 joavkku mielde, muhto go čiekčagohtet geassemánu 17. beaivve rájes, leat gávcci joavkku guovtti ossodagas.

Golbma buoremus joavkku dáid čiekčamiin fidnejit jo saji boahttejagi Conifa MM-čiekčamiidda, dieđiha Conifa.

Ođđa joavkkut

Szekelyfold, Davvi Kypros ja Romani álbmot eai leat ovdal searvan riikaidgaskasaš spábbačiekčanlihttu Conifa čiekčamiidda, muhto leat dál mielde mielde Debrecenis.

Conifa president Per-Anders Blind

Conifa presideanta Per-Anders Blind šálloša go nu ollu joavkkut leat geassádan EM-čiekčamiin, muhto vuordá alla dási čiekčamiin Ungáras.

Foto: Kjell Are Guttorm / NRK

– Joavkkut leat geassádan ekonomálaš ákkaid geažil ja muhtin joavkkut ges danin go eai nákce čohkket čiekčiid dien áiggis, čilge Conifa presideanta Per-Anders Blind.

Conifa ii ge leat fállan eará joavkkuide, nu go FA Sápmái, saji čiekčamiidda Debrecenis go joavkkut leat geassádan.

Beassat MM-čiekčamiidda

Jos sámis galgá leat vejolašvuohta beassat nu go Conifa World Cup čiekčamiidda, de fertejit čiekčat jos Conifa galgá árvvoštallat joavkku bovdet čiekčat.

-Vaikko eai vuolgge eará guovlluide čiekčat, berrejit bovdet joavkkuid sápmái čiekčat, rávve Per-Anders Blind.

Eambbo joavkkut

Isle of Man sullos leat čiekčamat jo dán váhkoloahpa, gos vuoitojoavkku bovdejit MM-čiekčamiidda, seamma áigge go EM-čiekčamat leat Debrecenis.

- Mii viiddidat MM-čiekčamiid 12 joavkkus 16 jovkui go dat fas leat, muhto jos galggat beassat mielde fertet čiekčat ja čohkket čuoggáid, lohká Conifa presideanta Per-Anders Blind.

Ossodagaid čiekčamat Debrecenis, álgu vuorut:

17.06:

A-ossodat:

Padania- Romani álbmot

Abkhasia- Ellan Vannin

B-ossodat:

Davvi Kypros - Mátta-Ossetia

County of Nice- Szekelyfold

18.06:

A-ossodat:

Abkhasia- Padania

Ellan Vannin- Romani álbmot

B-ossodat:

County of Nice- Davvi Kypros

Szekelyfold- Mátta-Ossetia


19.06:

A-ossodat:

Padania- Ellan Vannin

Abkhasia- Romani álbmot

B-ossodat:

County of Nice- Mátta-Ossetia

Davvi Kypros- Szekelyfold


20 ja 21.06 leat loahppačiekčamat.