Son joatká muitalusa
Joatkit-vearba ii leat (dahje ii oro leamen) dakkár vearba mii váldá
infinihta vearbba komplemeantan, ja danin ii sáhte oažžut dakkár
konstrukšuvnnaid go (i) *Son joatká ságastit. ja (ii) *Son joatká ságasteamis.
Joatkit-vearba váldá akkusatiivva komplemeantan, dego (iii) Son joatká muitalusa (bátti, jna.), čilge prof. Mikael Svonni.
Dasa guorrasa maiddái prof. Pekka Sammallahti, ja lasiha vel ahte joatkit-sánis leat golbma dábálaš mearkkašumi: 1) "ii heaitte": Dat joatká barggu; 2) "lasihit geahčái": Dat jotkkii bátti; 3) "báhcit gittalagaid": Beatnagat jotke.