NRK Meny
Normal

Joatká sátnejođiheaddjin

Bargiidbellodaga Kjell Sæther šiehtadallamiin eará bellodagaiguin. 

Gull-gliset
Foto: Eilif Aslaksen / NRK

GULDAL: Kjell Sæther sátnejođiheaddjin - Sáhtan duođaštit ahte mii leat šiehtadallame Gurut bellodagain, Risttálaš Álbmotbellodagain ja Sosiálisttalaš joavkkuin.

Bargiidbellodagas leat čieza áirasa ja dain earáin okta guđesge.

Ovttaoaivilis politihkain

Bellodagat leat gávnnadan politihkain ja hálidit ahte Sæther galga šaddat sátnejođiheaddji Kárášjogas. 

- Dál orru mannáme bures, lohká Sæther.

- Dieđát go ahte dis šaddá eanetlohku gielddastivrras? 

- Nu dat orro šaddáme, dadjá olmmái gii lea leamaš sátnejođiheaddji Kárášjogas 20 jagi. 

Juogadit sajiid boahtte vahkku 

Duorastaga golggotmánu 18. beaivve galget dát njeallje bellodaga juogadit sajjit. Konstitueren lea golggotmánu 25.beaivve.