Gaski oaččui 21 jiena ja Norgga Sámiid Riikasearvvi áirras Anita Persdatter Ravna ges oaččui 13 jiena.
Sámedikki válgalávdegoddi dat lei evttohan ahte Gaski galgá joatkit dien doaimmas.
ja Ronny Wilhelmsen seamma bellodagas ges várrepresideantan.
Eai čuvvon ovddeš málle
Sámedikkis lea dássážii leamaš soahpamuš ahte čoahkkinjođihangotti jođiheaddjin válljejuvvo stuorámus opposišuvnna joavkku áirras.
Dán málle čuovui ovddeš sámediggeráđđi go bargiidbellodaga Jørn Are Gaski válljejuvvui dán doibmii.
Seamma vuordámušat vuhttojedje Norgga Sámiid Riikasearvvis go dán ášši meannudišgohte otne Sámedikki dievasčoahkkimis. Muhto bargiidbellodaga ja sin ovttasbargoguimmiin bođii diehtu ahte sii eai áiggo čuovvot dien málle.
Maŋŋá go diekkár evttohus lei ovddiduvvon dievasčoahkkimis,dáhtui NSR ahte čoahkkin gaskkalduvvá ja dolle joavkočoahkkima. NSR lei evttohan Anita Persdatter Ravna ođđa jođiheaddjin.
Jienasteames lei goit boađus ahte Gaski oaččui eanetlogu.
– Garra fámostallan
Silje Karine Muotka (NSR)
Foto: Nils Henrik Måsø / NRKVibeke Larsen dovddahii iežas doaibmasártnis Sámediggái ahte son bovde buot joavkkui Sámedikkis ovttasbargui.
Norgga Sámiid Riikasearvvi áirras ja ovddeš ráđđelahttu, Silje Karine Muotka imaštalai Sámedikki eanetlogu bargovuogi dán áššis.
– Dát ii leat mii ge bovejumii ovttasbargui, dát lea hui garra fámustallan ja dát boahta erenoamažit hástalit ovttasbarggu Sámedikkis ovddosguvlui, lohká Muotka.
- Loga maid:
– Buot bellodagain berre vejolaš válljet
Laila Susanne Vars (Árja)
Foto: Dan Robert Larsen / NRKÁrja doarjjui bargiidbellodaga evttohasa čoahkkinjođihangotti jođiheaddjiin, ja digáštallamis ovdal jienatseame dovddahii bellodaga áirras Laila Susanne Vars ahte maiddái smávit joavkkuin ja listtuin galgá leat vejolaš fitnet dán ámmáha.
– Buot bellodagain galgá leat vejolašvuohta válljejuvvot čoahkkinjođiheaddjin, dat ii galgga leat dakkár šiehtadus mii lea dahkkon daid stuorra bellodagaid gaskka, lohká Vars.
