Jens Mikal: – Sáhtán šaddat buoretgo áhččán

Kárášjohkalaš Jens Mikal Holmestrand (15) lea ilus go beassá ovddastit Sámi boahtte jagi Árktalaš dálveriemuin.

Jens Åge Holmestrand og Jens Mikal Holmestrand

ÁHČČI JA BÁRDNI: Áhčči Jens Åge Holmestrand lea rámis go bárdni Jens Mikal Holmestrand beassá Sámi ovddastit Árktalaš dálveriemuin.

Foto: Dan Robert Larsen / NRK

Jens Mikal Holmestrand

RIIKAJOAVKKUS: Jens Mikal Holmestrand.

Foto: Dan Robert Larsen / NRK

– Šaddá veaháš preassa. Áhččis leat guokte čiekčama Sámi riikkajoavkku ovddas. Mun doaivvun beassat čiekčat unnimusat logi, sávvá Jens Mikal Holmestrand.

Sámiid Valáštallan Lihttu (SVL) ja FA Sápmi leat mannan vahkkoloahpa mearridan geat besset Árktalaš dálveriemuide Whitehorse gávpogii Kanádai, ja vuosttaš geardde beassá Sápmi oassálastit gándajoavkkuin.

– Sápmelaš spábbačiekčái lea stuorra dáhpáhus beassat čiekčat Sámi riikkajoavkku ovddas. Hirbmat somá, lohká Jens Åge Holmestrand.

Jens Mikalis leat jurdagat manne Kárášjogas ja Guovdageainnus máŋggas leat buorit futsalas dahje viesu siste spábbačiekčamis.

– Mis lea hui buolaš dáppe ja danne fertet hárjehallat olu siste, navdá son.

Spábbačiekčit, gánddat:

Nikolai Jensen (IK Grand Bodø), Alfred Lilja (Lycksele IF), Magnus Finnbakken (BOIF), Noah Green Johansen (Hunstad), Marco Bjørnstrøm (IK Grand Bodø), Jánoš Paltto (Nordlys), Johannes Johansen-Rolland (Alta IF), Jens Mikal Holmestrand (Nordlys) ja Theodor Skogmo (BOIF). Sadjásaš: Petter Bangfil (Saltdalskameratene).

Ovcci vuollel 16-jahkasaš gánddat besset Árktalaš dálveriemuide.

– Beasan čájehit gii mun lean

Maiddái árviesjávrelaš Hilda Granberg (16) lea rámis go lea beassan Sámi AWG-jovkui.

Hilda Granberg

RIIKAJOAVKKUS: Hilda Granberg.

Foto: Dan Robert Larsen / NRK

– Dalle beasan čájehit gii mun lean, iežan kultuvrra ja eallinvuogi. Sámekultuvra mearkkaša munnje olu go dathan lea oassi eallimistan, čilge Granberg movttegit.

Son navdá iežas áibbas dábálaš Ruoŧa beale sámenieidan.

– Nuorat vázzet skuvlla ja dušše muhtimat barget bohccuiguin. Mus ja mu váhnemiin eai leat gal bohccot, muhto mis lea boazomearka ja muhtimin mii leat veahkkin go dasa lea dárbu, muitala Granberg.

Spábbačiekčit, nieiddat:

Hedda Marie Rosenhaug (Medkila), Thea Nordkyn Nygård (IK Grand Bodø), Live Yu Olsen (IK Grand Bodø), Hilda Granberg (Innfjerdens), Berit Alice Utsi (Kautukeino IL), Eerika Johansen Mäntyjärvi (Tana ballklubb), Ina Johansen (IK Grand Bodø), Frida Andrea Heminghytt (Saltdalskameratene) ja Stine Lise Somby (Ávju IL). Sadjásaš: Thea Madelen Myhre (Saltdalskameratene).

Dát ovcci nieidda ovddastit Sámi Arktalaš dálveriemuin 2020.

Čuoigit:

Gánddat 13 - 14 jagi: Ravn-Mathias Sara Gulsrud (IL Nordlys) Alexander Haugli Rasmussen (IL Nordlys), Jåvva Rensberg (Ruvhten Sijte) ja Pekka Tervaniemi (Anára SS).

Nieiddat 13 - 14 jagi: Frida Agersborg Skånhaug (Fjell skilag), Julie Johansen Trosten (Deanu Searat) Sara Lea Christine Henriksdatter (Kautokeino IL) ja Stine Vibeke Reisænen (IL Ilar). Sadjásaš: Lilli Anne W Guttorm ( IL Nordlys).

Gánddat 15 - 16 jagi: Johansen Petter Dervola (Deanu Searat), Vetle Mathisen Knudsen (Innstranden IL), Helge Ims (Fjell skilag) ja Sebastian Molund Enoksen (Fjell skilag).

Nieiddat 15 - 16 jagi: Anne Kajsa Jernsletten (IL Ilar), Emili Portti (Anára SS). Sunniva Marie Haukebøe (Fjell skilag) ja Ingrid Åstot (Sarek IF). Sadjásaš: Madeleine Øvrevoll (Fjell skilag).

Gánddat 17 - 18 jagi: Sverre Hanssen (Fjell skilag), Margit Henda Dikkanen (IL Ilar), Julius Riel-Saua (IL Ilar) ja Iver Thude Petterson (IL Ilar).

Nieiddat 17 - 18 jagi: Elen Kristine Petterson (IL Ilar), Katrine Tovås (Fjell skilag), Anna Sofie Andreassen (Fjell skilag) ja Anne Katja Heiberg (Deanu Searat)

Arctic Winter Games, sameflagg, Ella Marie Hætta Isaksen

NUORAIDRIEMUT: 44 sápmelaš ovddasteaddji ja njeallje sadjásačča leat válljejuvvon dán jagi Árktalaš dálveriemuide.

Foto: Dan Robert Larsen / NRK

Kulturovddasteaddjit:

Mathis O. Eira (Guovdageaidnu) ja Inger Anne Valkepää (Suopma).