Hopp til innhold

Jávkanrádjá sáhttá čuohcat ohppiide

Joatkkaskuvllaid ođđa jávkanrádjá sáhttá čuohcat garrasit ohppiide geat rahčet psyhkalaččat. Dan oaivvilda dutkanásahusa Nordlándda dutkama dutki Cecilie Høj Anvik. Jus oahppit čavčča rájes eai čuovo eanet go logi proseanta dihto fágaoahpahusa skuvllas, de eai oaččo árvosániid, ja dat sáhttá dagahit ahte vel eanebut heitet joatkkaskuvlla, lohká Høj Anvik. Olgešbellodaga stuorradiggeáirras Kent Gudmundsen oaivvilda ođđa jávkannjuolggadusa dagahit ahte eanebut garvet joatkkaskuvlla oahpu.

Korte nyheter

  • Váilot oahpaheaddjit

    Ájluovttas skuvllas, Hápmira suohkanis, ballet váhnemat ja oahpaheaddjit, ahte muhtin oahppit masset sámegiel oahpahusa čakčat. Ohcanáigemearri guovtti julevsámi oahpaheaddjevirgái dievvá dán vahkus, ja dán rádjai ii leat oktage ohcan dáid virggiide.
    Oahpaheddjiid luohttámušolmmoš Marita Mikkelsen dadjá ahte nuoramus ohppiin geain lea julevsámegiella vuosttaš giellan, sidjiide lea dehálaš addit báikkálaš oahpahusa. Muhto muđui gal šaddet vuoruhit guhte oahppit ožžot báikkálaš oahpahusa, ja guhte oahppit ges gáiddusoahpahusa. Jus julevsámi oahpaheddjiid dilli ii buorrán, de ballá Mikkelsen ahte boahtteáiggis fertejit heaittihit julevsámegiel oahpahusa Ájluovttas.
    – Dan ii sáhte čilget sániiguin, go dat lea áittan buot julevsámegielagiidda. Livččii tragediija min gillii ja kultuvrii, dadjá Marita Mikkelsen:
    Suohkan ii háliit kommenteret ášši vuos, muhto dadjet ahte sii váldet ášši duođalaččat, go dihtet man váttis dat lea gávdnat julevsámi oahpaheddjiid.

  • Eai dáhto bargat fástadoavttirin

    Áiddo oahppan doaktárat eai dáhto bargat fástadoavttirin. Dušše golbma proseantta medisiidnastudeanttain ja aiddo oahppan doaktáriin jáhkket ahte sáhtašedje bargat fástadoavttirin, nu muitala TV guvtteš. Dát fuolastuhttá dearvvašvuođadirektevra Bjørn Guldvoga. Otne lea Norggas 100 gieldda, gos ii ovttasge daid fástadoaktáriin leat sadji ođđa divššohasaid váldit.

    Overlege Lars Bø og pasient Vincent Eekhout
    Foto: May-Helen Rolfsnes / NRK
  • Ruošša gearggus ráfišiehtadallamiidda

    Ruošša várreolgoriikaministtar Andrej Rudenko almmuha, ahte Moskova lea gearggus ođđa ráfi šiehtadallamiidda Ukarainan " vajot go dovddahit, ahte mieđihit dan dahkat". Nu dat siterejuvvo stáhta TASS-ođasdoaimmahusas, čállá New York Times ođasdoaimmahat. Cuoŋománus botkejedje šiehtadallamiid go Ukraina šiehtadallanjođiheaddji dovddahii ahte lea veadjemeahttun ovdánit šiehtadallamiiguin nu guhká go Ruošša ii dovddas dan duođalaš dili dán soađi olis.

    Yan Petrovskiy skal krige i Ukraina
    Foto: Skjermdump / Telegram