NRK Meny

Jámi bargolihkuhisvuođas

Ikte eahkes jámi muhtin almmái bargolihkuhisvuođas mátta-Várjjagis. Almmái roasmmuhuvai garrasit go stoalpu mas son lei bargamin dodjui, ja son gahčai vihta mehtera vullos. Son lei dihtomielas go politiijat ja ambulánsa bohte lihkuhisvuođa báikái, muhto jámi maŋŋil. Finnmárkku politiijaguovllu operašuvdnajođiheaddji Jan Arne Pettersen lohká sii leat dál dutkamiin ášši.