NRK Meny
Normal

Jåma joatká Samedikkis

Ellinor Marita Jåma ii guđe Sámedikki, vaikko sus leage dál eará doaibma mii gáibida sus olu.

Ellinor Marita Jåma

Ellinor Marita Jåma válljejuvvui mannan vahkkoloahpa NBRa ođđa jođiheaddjin.

Foto: Vaino Rensberg / NRK

Máttasámenisu Ellinor Marita Jåma lohká iežas joatkit sámediggeáirasin vaikko mannan vahkkoloahpa válljejuvvuige Norgga Boazosápmelaččaid Riikkasearvvi (NBRa) jođiheaddjin, čállá Ávvir áviisa.

Jåma ovddasta Åarjel-Saemiej Gielh nammasaš listta Sámedikkis.

Sus lei ovddasvástádus boazodoalloáššiin go mannan sámediggeáigodagas lei sámediggeráđis.