NRK Meny

Jåma dáhttu ođasmahttit NBR

NBR ođđa jođiheaddjis Ellinor Marita Jåmas lea dáhttu ođasmahttit ja buoridit organisašuvnna, nu ahte dát šattašii beaktilebbo ja boazudoalu beaggin buorránivččii, nu muitalii son sártnistis maid doalai maŋŋá go válljejuvvui jođiheaddjin mannan váhkkuloahpa. Jåma válljejuvvui jođihit Norgga stuorámus searvvi boazodolliid várás, ja leage 30 jagi áigi go searvvis maŋimuš lei nissunolmmoš njunnožis.