Jáhkká dál fidnet eambo ruđa

FA Sámi presideantta Håkan Kuorak lea ikte ságastallan sámediggepolitihkkáriiguin Kárášjogas,
ja jáhkká dál spábbačiekčanlihttu fidnet eambbo ruđa boahtte jahkái go dan 200.000 kruvnna maid Sámediggeráđđi árvala.

Håkan Kuorak

Håkan Kuorak ii vuordde doaimma gal bisánit boahttejagi rájes, vaikko norgga sámedikkis eai fidne go dan 200.000 kruvnna.

Foto: Dragan Cubrilo / NRK

Håkan lea deaivvadan Sámedikki kultur- ja ealáhuslávdegottiin ja maiddái joavkojođiheddjiiguin Kárášjogas ikte.

Go oidnet dárbbu čilget sámediggepolitihkkáriidda dán ođđa sámi spábbačiekčanlihttu FA Sámi jurdagiid.

Ii jáhke doaimma bisánit

Sis leat čielga ulbmilat lihtuin, jurdagat maid politihkkáriidda čilgejedje ikte, muitala Kuorak. son ii vuordde doaimma gal bisánit boahttejagi rájes, vaikko norgga sámedikkis eai fidne go dan 200.000 kruvnna.

Sávvá lihttu joatká

Sámedikki kultur- ja ealáhuslávdegotti jođiheaddji, Mathis Nilsen Eira, lohká Ávvirii ahte son ávžžuha lihttu maid bargat eará ruhtadeaddjit ja sámedikki ektui, ruhtaohcamin, ja Sámediggeráđđeláhttu Ann-Mari Thomassen lohká seamma áviisii ahte sávvá lihttu joatkit vaikko eai fidnešii go dan 200.000 kruvnna maid Sámediggeráđđi árvala.

  • Guldal olles ášši: