Jagi duođaštit čáhcekvaliteahtta

EO čáhcedirektiiva addá Norgii jagi duođaštit lea go čáhcekvaliteahtta vuonain doarvái buorre.

Luonddugáhttensearvi lohká sii áigot Norgga dieđihit EFTA gozihanorgánii ESA:i, jus ii biddjo johtui doaibma bissehan dihte ruvkebázahusaid luoitimis merrii.

Báhčaveaivuotna Mátta-Várjjagis lea dál árvvoštallojuvvon sakka nuoskkiduvvon. Luonddugáhttensearvi oaivvilda iežaset nagodit olahit váidagiin.