Jagi 2015 sápmelaš

43-jahkásaš sámegiellektor Outi Länsman lea válljejuvvon Suoma beale jagi 2015 sápmelažžan. Länsman válljejuvvui danne go son ovddasta ođđa ja ovdánanmielalaš jurddašeami sápmelašvuhtii árbevieruid gáhttemiin. Son lea ovdagáttohis ja geahččá boahttevuhtii ja buktá sápmelašvuođa ovdan positiivvalaš vuoiŋŋas, čilgii City-Sámit rs. sátnejođiheaddji Pentti Pieski go bálkkašupmi gieskat juhkkui.