NRK Meny
Normal

ízü juoigan fákki meašttir!

Dál leat guldaleadjit ja duopmárguovttos mearridan gii lea izu juoigan-fákki meašttir. Máŋŋá gelddolaš luohpavuoru izu saddagis.  

Ida Márjá Varsi Solbakk
Foto: Anne Lise Varsi Solbakk

Duorastaga, borgemánu 2.beaivve lágiduvvui ízu juoigan-fákki luohpavuorru. Maŋŋá go nubbi finalista, Ivvár Niillas geassádii finalas, de ožžui Juhán Máhtte Skum dan nuppi finála saji.

Ol-Juhán Gaup ja Ánne Márjá Guttorm Graven dupmiiga Tromssas finála ja guldaleadjit besse jienastit fávorihtta. Ol-Juhán ja Ánne Márjá eaba šaddan ovtta oaivilii guobbá lei čeahppit, ja danin besse guldaleadjit dupmet vuoiti.

Go buot jienat ledje lohkon, de šattai čielggas ahte 14 jahkásaš Ida Márjá Varsi Solbakk, Hilláguras vuitii birgetmeahttuin. Son ožžui 12 eambbo jiena go Juhán Máhtte Skum, Guovdageainnus.

 

 

Juhán Máhtte Skum juoiggasta vielpá finálas:

  Juhan mahtte juoig vielpa

 

Dá sahtat gullat Ida Márjá Varsi Solbakk go juoigá finálas ealgga luođi:

  Ida juoiga Ealgga

 

Ida Márjá juoiggastii nuppi luođi maŋŋá go gulai ahte lea šaddat meašttir.

  Ida juoiga vuoito luodi