Sálbmagirji lei diehtalasat vuosttas girji mas Áilloš lávllui, maŋŋelis lávlugođii son rockejoavkkus ja dalle maid juoigagođii. Áilloš liikui lávlut ja juoigat.
Gullogođii radios
Áilloža boarrasat viellja Ánte Mihkkal Gaup muittaša áiggi dalle go Áilloš searvvai Ivnniiguin jovkui. Sidjiide, nuoraide, lei somá go sin viellja gullogođii lávlumin ja juoigain radios, muhto sin eadnái ii dáidán leat dát nu somá. Olbmot álge hállat ahte leago bat diet gal miige, ii hal dienna gal tiinne maidige. Muhto sin eadni oaivvildii ahte nuorat fertejit ieža diehtit, jos juo Áilloš liiko dasa maid dahká, na de ferte dan beassat lávlut ja juoigat.
Ovddes juoigi ovdagovvan
Áilloš muitala alddes lean erenoamážit Per Hætta stuorra ovdagovvan. Su mielas lei son čeahppi juoigat, ja son diehtalasat hálidii šaddat seamma čeahppin.
Ivnniiguin lei álgu
Ivnniiguin lei rockjoavku masa Áilloš searvvai áibba nuorran. Das lei Sverre Hjelleseth oalle láidesteaddjin, ja nu sii álge čuojahit ja lávlut ovttas. Dassá leat dieđos áiggit go son lei dien joavkkus mielde. Dál lea sihke su musihkka ja son ieš rievdan, danne lea su dálá musihkka áibba eará go dalle.