– Mii leat njealját beaivve studios báddemen. Mii leat bádden boares lávlagiid ođđasiid ja mis leat njeallje ođđa lávlaga maiguin leat bargamen, muitala Sverre Hjelleseth.
Hjelleseth muitala ahte sii leat Kysten studios Romssas báddemen ođđa skearru. Vaikko sis leat njeallje ođđa lávlaga, de eai leat dát gárvásat.
– Ovtta ođđa lávlaga gal duostan lohpidit, dadjá Hjelleseth.
DAT-fitnodat jođiha CD-prošeavtta.
almmuhii dán ođđasa vuosttažin.
IVNNIIGUIN Maŋabealde: Roger Ludvigsen(bass), Heaika Hætta(gitar), Nils Martin Kristensen(rumbu), Ovddabealde: Sverre Hjelleseth(gitar, orgel ja njálbmečuojanas), Áilloš(lávlu/juoigi/njurggonas)
Foto: Pressebilde1978 čuojahišgohte
Measta njealljelot jagi maŋŋel go vuohččan čuojahedje ovttas, de lea joavkku ain starggus ja geige gieđa festiválaide.
– Mii háliidit čuojahit festiválain ja dat lea festiválajođiheddjiid duohken bovdet min, dadjá Hjelleseth.
Ivnniiguin lei sámi vuosttáš rockajoavku ja sii čuojahišgohte 1978is 1980ii rádjái vuosttáš vuorus. 1997as sii čuojahedje fas ovttas, go ledje jávohaga leamaš 17 jagi.
NRK Sámi musihkkavuorkkás leat máŋga ivnniiguin lávlagat mat eai leat almmuhuvvon almmolašvuhtii.
Dál áigo joavkku muhttinráje daid lávlagiid maid ođasmahttit ja almmuhit.
Juovlaskeaŋkan Ivnniiguin skearru
Sverre Hjelleseth árvvoštalla sullii juovllaid áigge almmuhit skearru, muhto eai áiggo hoahpus gal bargat, muhto vuđolaččat.
– Mii vurket lávlagiid maidguin eat geargga, Mis leat máŋga lávlaga, ja muhtun ráje lávlagiid fertet válljet eret, dadjá son.
Sverre Hjelleseth čilge ahte DAT lea bidjan áigemeari gárvet jietnabáddema ovdal mánnomolsašumi, muhto de leat vel smávva barggut báhcan nugo gráfalaš barggut.
– Mun sáhtán dadjat 90 proseantta jáhkehahttivuođain ahte mii almmuhit skearru ovdal juovllaid, loahpaha son.
Ivnniiguin Kysten studios Romssas.
Foto: privat
