NRK Meny

Ivgu stuorrabárru prošeavttas

Ivgu, Davvi-Romssas, lea okta ovcci báikis Eurohpás mii lea válljejuvvon leat mielde Asarte nammasaš prošeavttas. Dát prošeakta galgá nannet strategiija movt várjalit guovllu jus boahtá stuorrabárru. Ivgu válljejuvvui dan dihte go bákti sáhttá fierrat merrii ja ráhkadit dákkáraš dulvebárru. Ivgui bohtet maiddái golbma fránska dutki, geat barget Parisa universitehtas.
Sii galget gávnnahit ahte leat go Ivgulaččat ráhkkanan dasa ahte bákti sáhtta fierrat.