Isle Of Man lágida CONIFA

Eurohpámeašttir spábbačiekčangilvvut CONIFA lágiduvvojit boahtte jagi Isle of Man nammasaš sullos, mii lea lulábealde Englándda. Spábbačiekčangilvvut lágiduvvojit gaskkal geassemánu 13. ja 21. beaivve boahtte geasi. Isle of Man spábbačiekčansearvvi bealis leat rápmásat go sii besset lágidit CONIFA vuosttaš eurohpámeašttirgilvvuid.