Hopp til innhold

Iskkan rádona ja asbestta

Beardu gielda lea vuđolaččat iskkan ahte sáhttá go rádon ja asbeastta váikkuhit Setermoen skuvlla sisáibmui, čállá Nye-Troms neahttaáviisa. Gielda lea gulaskuddan Borasdávdaservviin ja Stáhta suonjarsuodjalusain, ja sii dáhkidit ahte asbeastta ja rádon skuvllas ii leat váralaš.

Korte nyheter

  • EU-kommišuvdna: – Psykálaš váttut leat jaskes epidemiija

    EU-kommišuvdna bidjá 14 milliárdda kruvnna nannet psykálaš dearvvasvuođa EU-riikkain.

    Kommišuvdna gohčoda mielladili váttuid jaskes epidemiijan.

    Pandemiija, soahti Ukrainas, dálkkádatrievdamat ja lassánan eallingolut dahket vel váttisvuođaid stuorábun, EU-kommišuvnna mielde.

    Silhuett av trist mann
    Foto: Creative Commons
  • 105 miljovnna lassiruhta Nuorta-Finnmárkui

    Nuorta-Finnmárku oažžu 105 miljon kruvnna lassiruđa dán jagi. Dán leat ráđđehusbellodagat ja Sosialisttalaš Gurutbellodat soahpan.

    Ruošša soahti Ukrainas ja ráŋggáštusat Ruošša vuostá dan geažil, leat váddudan ealáhusaid birgejumi Nuorta-Finnmárkkus. Ruhta galgá mannat ásahit bargosajiid ja buoredit fálaldagaid olbmuide.

    – Norgga sihkkarvuhtii lea dehálaš ahte Nuorta-Finnmárkkus leat doaimmat, dadjá stáhtaministtar Jonas Gahr Støre.

    Finánsaministtar Trygve Slagsvold Vedum dadjá ahte lea dehálaš bisuhit Finnmárkku ja Nuorta-Finnmárkku norgga geahču vuolde go dát leat strategalaš dehálaš guovllut.

  • Cengiz Al: Giitevaš go beasai lohkat Duohtavuođakommišuvnna raporttas

    Dáiddár Cengiz Al lea giitevaš go beasai Našunálateáhtera lávddis lohkat Duohtavuođa- ja soabahankommišuvnna raporttas mii almmuhuvvui geassemánu 1. beaivvi.

    Eambbo go 30 tiimma, birra jándora, lohke sihke dáiddárat, politihkkarat, ieš guđet ge ásahusaid ovddasteaddjit ja olbmot buot agiin dan eambbo go 700 siidosaš raportta jitnosit.

    Kvenateáhtera teáhterhoavda, Frank Jørstad, lei okta máŋgasis geasa gulai lágidit lohkama.

    – Sii atne dehálažžan gávdnat olbmuid miehtá riikka. Maiddái ahte majoritehtaálbmot galggai dovdat gullevašvuođa dása. Danne dárbbašedje dakkár olbmuid go Cengiz Al lohkat raportta.

    Cengiz Al
    Foto: Ida Emilie Lindseth / NRK