NRK Meny

Iskamen girdišillju Guovdageidnui

FlyViking smávvagirdifitnodaga oamasteaddji Ola Gievær finái Guovdageainnus iskamen sáhttá go suohkanii ásahit girdišillju, dieđiha Ságat aviisa. Gievær dadjá aviisii ahte girdi adjána 20 minuvtta Tromssas Guovdageidnui ja son oaidná stuora vejolašvuođaid turismaealáhusas. Sátnejođiheaddji ges oaidná dearvvašvuođa dáfus buori ovdamuniid girdišilljuin, go girdin ii adján sihke Tromssa- ja Hammarfeasta buohcivissui.