Gárges la gal guhkak Isáka maŋemus konsærttaj.
Isák juogos la ietjájduhttám sáme musihkav.
Dal li maŋemus bále aktan tjuojadam.
Isáka maŋemus åvddånbuktem
Majt dal?
Ella Marie Hætta Isaksen, buvtadiddje Daniel Eriksen ja goabdestsábbme Aleksander Kostopoulos álgadin joavkov Isák 2017.
Gå Ella Marie vuojtij Stjernekamp 2018 sjattaj gal joavkko riek dåbdos.
Joavkko la almodum gålmmå albumma. Isák la sierraláhkáj dåbdos ratjigis åvddåmbuktemijs lávden
«Diedon sidáv gijttet divnajt gudi li mijájt jáhkkám, doarjjum ja musihkav ietjasij vájmojdi válldám.»
Isák li buktám ávov musihkajnis maŋemus guhtta jagijt.
«Riek hådjånahtte gå dal la nåhkåm, valla ávvudallap gå la årrum.»
«Sáme musihkkaiellema iesjluohtádus la nanniduvvam maŋemus jagijt, ja dasi l Isák ja Ella Marie årrum ájnas oase.»
Isáka musihkkamanno dal gæhtjáj ållij madin tjuovga Rockefellerin jáddiduvvin.Majt dal de?
«Aleksander ja Daniel libá årrum jasskavuohta muv iellemin, såj libá degu vieljama ja muv buoremus rádna.»
«Maŋenagi de ådå niego ja visjåvnå ihti, ja de lav aj dåbddåm muddo l ietjá guovlluj lávkkit.»
Juohkusin la moadda millijåvnå tjuojadime Spotifyan. Sij li almodam lávlojt Alan Walkerijn ja Steve Aokijn.
Spellemannsprisenin 2017 tjuojadin Isák Mari Boine guddnedibmáj. Ella Marie ja Mari Boine åvddåmbuvtijga aktan Sámi Grand Prixa båddåoasen 2022.
«Sidáv joarkket oavdástallamijn, nuppát girjev tjállet ja diedon aktivisstan årrot. Gævtáv ållo fámojt Fovsen-ássjijn oajbbot.»
Dat la gåjt ållu tjielgas – mij gåjt ep la gullam maŋemusájt Ellas, Aleksanderis ja Danielis. Juska dal lip maŋemusájt gullam jur Isákis.
«Dat biejvve bådij ja dat biejvve vásij, ja mij gal bierggip.»
Ansvarlig redaktør
Vibeke Fürst Haugen