Lea guhkes ráidu Isák maŋemuš konsertii.
Isák lea revolušuneren Sámi musihka.
Dál sii leat čuojahan maŋemuš lávlaga.
Isák dánsesta maŋemuš háve
Maid dál?
ISÁK joavkku álggahedje vokalistta Ella Marie Hætta Isaksen, buvttadeaddji Daniel Eriksen ja rumbočuojaheaddji Aleksander Kostopoulos 2017:s.
Joavku šattai beakkán go Ella vuittii “Stjernekamp” 2018:s.
ISÁK lea almmuhan golbma skearruDát golmmas leat erenoamáš čeahpit ja virkui lávddis.
«Ja mun háliidan dieđusge dušše giitit buohkaid geain lea leamaš jáhkku midjiide, ja geat lei dorjon min, geat leat váldán musihka iežaset váibmui.»
«Sávvámis guddet dál min musihka viidáseabbot min haga.»
ISÁKa musihka lea mearkkašan olu oallugiidda.
«Lea váivi go lea nohkan, muhto mii ávvudit go geavai.»
«Sámi musihkka lea ovdánan ja nanusnuvvan daid maŋemus jagiid, ja oasi rámis oažžu Isák ja Ella Marie.»
Go Rockefeller lávddi čuovggat jádde de šattai ISÁK historjá.Mo dál?
«Aleksander ja Daniel leaba leamaš stuora oadjebasvuohtan mu eallimis, dat leaba dego mu vieljat ja mu buoremus olbmát.»
«Dađistaga de ihtet ođđa niegut, ođđa višuvnnat ja lea leamaš nu ahte mun lean dovdan ahte dál lea áigi lávket eará guvlui.»
Sin musihka lea čuojahuvvon máŋga čuođi miljovnna geardde. Sii leat maid almmuhan musihka Alan Walkerin ja Steve Aokin.
«Mus lea miella joatkit neaktit, ja čállit nuppi girjji ja dieđusge aktivista leat, ollu návccat mannet dasa ahte dáistalit. Ja dieđusge Fovsen-ášši.»
Okta diŋga lea sihkar - Ellas, Aleksanderis ja Danielas gullat eambbo. Sin maŋemuš beaivvi birra Ella dán dadjá.
«Dat beaivi bođii ja dat beaivi manai, ja mii cevzziimet.»
Ansvarlig redaktør
Vibeke Fürst Haugen