Inna Marja Amundsen háliida čuovvut ISÁKa bálgá

Mii dovdat su «Norske Talenter» ja «Idol» gilvvuin, gos lea ožžon rámi duopmáriin. Dál galgá viđain earáin ođasmahttit dološ Sámi Grand Prix lávlagiid.

Inna Marja Amundsen

INNA MARJA AMUNDSEN: 16 jahkásaš Lidáláddilaš lea áiddo almmuhan šuoŋa ja searvá SGP-Cover prošektii.

Foto: Lise Vassbakk

Hør Valvi-intervjuet på norsk her. Det begynner ved tidskode 02:35:10.

Oi oi oi - odne lea gelddolaš Valvi sátta! Kárášjoga russat fitnet studios, ja mii ovttas čoavdit russečuolmmaid studios. Muđuid de háleštat Inna Marja Amundsenin su ođđa šuoŋa birra, gullat Ivana áibbas ođđa country-hitta ja de vel guldalat guldaleaddji jiellat russešuoŋaid!

Oi oi oi - odne lea gelddolaš Valvi sátta! Kárášjoga russat fitnet studios, ja mii ovttas čoavdit russečuolmmaid studios. Muđuid de háleštat Inna Marja Amundsenin su ođđa šuoŋa birra, gullat Ivana áibbas ođđa country-hitta ja de vel guldalat guldaleaddji jiellat russešuoŋaid!

Sámis gávdnojit nuorra musihkkataleanttat measta juohke nurkki duohken.

Lidáláddilaš Inna Marja Amundsen (16) lea čužžon lávddi alde mánnávuođa rájes jo, ja ii soaitte leat áibbas amas namma buohkaide.

Inna Marja Amundsen på Idol audition på Henningsvær.

TALEANTA: Vaikko lea nuorra, de lea Inna Marja Amundsen jo leamaš mielde “Norske Talenter” (2014:s) ja “Idol” (2020:s) prográmmain.

Foto: Inge Wegge/TV 2 / TV 2

«Elle»

Dán rádjai lea Inna Marja lávlun dušše live. Dat áigi lea dál nohkan. Son lea aiddo almmuhan vuosttaš lávlaga.

Logas vel: – Jeg vil ikke vokse opp i en verden der man må gå på betong, sier Ramona (23)

Vuosttaš siŋŋela namma lea «Elle», man Mari Boine lea čállán. ISÁK lea ráhkadan pop veršuvnna šuoŋas, ja dan lea Inna Marja covren.

– Go lean lávddi alde, de lea munnje dehálaš ráhkadit diekkár magihkalaš dovddu. Dan dovddan ahte dát šuokŋa dahká, muitala Inna Marja.

Inna Marja danser med kofta på seg. Dette er coveret til debutsingelen hennes «Elle».

«ELLE»: Mari Boine lea čállán šuoŋa. ISÁK lea ráhkadan pop veršuvnna šuoŋas, ja dan lea Inna Marja covren.

Foto: Per Heimly

Dalle várra ii leat nu ártet ahte justa ISÁK lea okta Inna Márjja jiellat joavkkuin ja ahte sii leat sus ovdagovvan.

– Mu mielas lea čaffat ahte sáhttá ráhkadit pop-musihka sámi kultuvrra olis, go mu mielas galggašii sámi kultuvra ovddiduvvot eanet, son muitala Valvái.

Boahtteáigi artistaeallimis

Inna Marja boahtteáiggi orru šaddamin artistaeallimis. Vaikko ii leat go 16 jagi, de lea jo bidjan olu návccaid dasa.

– Mun lean čállán moadde šuoŋa ja sádden daid buvttadeaddjái. De ii leat go oaidnit boahtá go das mihkkige, son muitala.

Inna Marja på Márkomeannu scenen sammen med Intrigue.

«RUOVTTULÁVDI»: Márkomeannu lea Inna Marjja ruovttulávdi. Doppe lea ovdal čužžon lávddi alde. Dá ovttas Intrigue joavkkuin.

Foto: Marius Langstrand-Andersen

Son lea maid mielde dán jagi SGP-Cover prošeavttas, gos ođasmahttet boares Sámi Grand Prix šuoŋaid.

– Dat šaddá áibbas somá, Inna Marja muitala.

Logas vel: Ingá Máiiá vuoitá musihkkabálkašumii

Jus buot manaš bures ovddasguvlui, de beassá geasset čuožžut «ruovttulávddi» alde Márkomeanus gos lea ovdal maid čužžon. Earret eará Intrigue joavkkuin.

– Gal mii oaidnit mo dat manná. Dát lea áibbas ođas munnje ja mii leat aiddo mearridan geainna galggan ovttas bargat, son lohká.

SGP Cover

SGP Cover lea prošeakta maid álggahedje Sámi Grand Prix 2019 oktavuođas.

Vegard Bjørsmo, Lávre Johan ja Kaia Francesca Cueto Storvik på SGP i 2019s.

SGP-COVER: Dán prošeavtta ferte gohčodit suksessan, go oaidná man bures lea mannan lávluin maŋŋel.

Foto: NRK

Jurdda lei ahte dat galggai leat eanet go dušše ođasmahttit ja gudnejahttit boares SGP jiellahiid.

– Mii háliideimmet loktet nuorra artisttaid ja buvttadeddjiid. Mii háliideimmet inspireret sin ja veahkehit sin ráhkadit iežaset fierpmádaga, muitalii Morten Hyld Pettersen NRK Sápmái dalle.

Loga ášši dás: Musihkabuvttadeaddji fuomášii Ingá Máiiá (18) Facebookas

Ja dan maid duođaid dahke. Dalle ledje lávlut Vegard Bjørsmo, Ingá Máiiá Blind, Kaia Francesca Cueto Storvik ja Lávre Juhan Eira mielde.

Unge artister og produsenter fremfører en medley med moderniserte cover-verjoner av gamle slägere fra Sami Grand Prix historien.

Unge artister og produsenter fremfører en medley med moderniserte cover-verjoner av gamle slägere fra Sami Grand Prix historien.

Joatká sukseassa

Sámi musihkkafestivála buvttadeaddji, Ol Juhan Gaup, lea duhtavaš go oaidná man bures manai SGP-Covera ovddit joavkkuin.

– Lei hui somá oaidnit man bures barge ja beasaimet gullat moadde konseartta singuin, moadde hit-siŋgela ja albuma vel.

Dál sii fas hásttuhit nuorra sámi artisttaid, juigiid ja buvttadeddjiid bargat Sámi Grand Prixa ovddeš lávlagiiguin ja luđiiguin jagiid 1990-2000.

Ol Johan Gaup

ILLUDA: Ol Juhan Gaup lei duhtavaš ovddit SGP-Cover joavkkuin. Dál illuda oaidnit boahtte joavkku.

Foto: Pressebilde / Påskefestivalen i Kautokeino

Oassálastit dán jagi leat buvttadeaddjit Niki Rasmus, Lena Thuri ja DJ Ailo ja artisttat Inna Marja Amundsen, Elina Ijäs ja Astrid Tuorda.

– Mii leat ain oččodeame muhtin artisttaid vel. Áigumuša mielde de beassat gullat sin Márkomeanus dán geasi ja sávvamis lea vuosttaš siŋgel dassážii almmuhuvvon, loahpaha Gaup.

Loga Sámi musihkaságaid dás: