Inger Eline Eriksen presideanttaevttohas

Árjja bellodagas livččii dán váhkoloahpa galgan liige jahkečoahkkin Oslos gos galge válljet bellodaga sámediggepresideanta evttohasa. Čoahkkin maŋiduvvui danin go presideantaevttohasa bárdnanáigi lea boađi-boađi.

Inger Eline Eriksen

Árjja bellodaga Inger Eline Eriksen lea miehtan searvat bellodaga presideantaevttohassan.

Foto: Dan Robert Larsen / NRK

Árjja bellodaga stivralahttu, Per Erik Muden duođašta ahte dálá Árjja Sámediggeáirras ja bellodaga stivralahttu, Inger Eline Eriksen lea miehtan ahte son vuolgá bellodaga presideantaevttohassan.

Mudenia, muitala ahte bellodagas livččii galgan sierra jahkačoahkkin Oslos, gos galge vállet presideantaevttohasa.

Inger Eline Eriksenis lea bárdnanáigi lea boađi-boađi, ja son danin ii sáhttán searvat nominašuvdnačoahkkimii Oslos.

Čohkkemin listoevttohasaid

Per Erik Mudenia, Tana

Árjja bellodaga stivralahttu, Per Erik Mudenia, muitala ahte presideanttaevbttohasa bárdnanáigi lei nu lahka ahte šadde maŋidit nominašuvdnačoahkkima.

Foto: Nils Henrik Måsø / NRK

Árjja bellodaga stivra válljii dattetge čađahit čoahkkima Oslos, muhto dušše dábálaš stivračoahkkima iige jahkečoahkkima.

Mudenia muitala ahte sii leat dál čohkkemin listoevttohasaid vai besset cegget válgalisttu boahttevaš sámedikkeválggaide Lulli-Norgga válgabires maiddái.

Mudenia mieđiha ahte šaddá garra gilvu danin go sis han leat guokte garra gilvaleaddji Luli-Norgga válgabiires, namalassii Bargiidbellodat ja Norgga Sámiid Riikkasearvi.