NRK Meny

ING vuovdá oljobohcceloanaid

Okta máilmmi stuorámus finánsainstitušuvnnain, ING joavku, vuovdá miljárdasaš loana maid leat addán Dakota Access oljobohccedoibmii. ING čállá ahte duogáš dasa lea go leat gulahallan Standing Rock Sioux eamiálbmogiin, ja guldalan sin rávvagiid. Greenpeace Norgga dálkkádat- ja energiija ráđđeaddi, Martin Norman, dadjá NRK Sápmái ahte dát lea stuorra vuoitun buohkaide geat leat vuosttaldan oljobohccedoaimma. Son lasiha ahte lea hui dehálaš ahte báŋkkut čájehit ahte sii váldet duođalaččat eamiálbmotvuoigatvuođaid.