NRK Meny

Imaštallá mo ruđat juolluduvvojit

Loabát sátnejođiheaddji Bernhard Halvorsen lea beanta suorganan go sin gielda lea ožžon dušše 30 000 kruvnna Norgga Sámedikki kulturruđas vássán 3,5 jagis.

Eanemus ruhta lea mannan Kárášjoga ja Guovdageainnu gielddaide mat goappašagat leat ožžon badjel 100 miljon kruvnna. Stuorra oassi dán ruđas lea mannan sámi ásahusaide.

Porsáŋggu sátnejođiheaddji, Aina Borch, ádde ahte stuorra sámi ásahusat ožžot stuorra oasi ruđas, muhto háliida eambbo doarjaga smávit ásahusaide, nu go mearrasámi doaimmaide Porsáŋggus.