Illuda go historjá dovddastuvvo
Sámediggi lea mearridan dovddastit guhtta sámegiela ovcci sámegielas almmolaš giellan Norggas. Sámi artista Katarina Barruk njuorrasii go dán gulai.
Mannan vahku dievasčoahkkimis dat sámediggi mearridii ovdánahttit ubmi- ja bihtánsámegiela ja nuortalašgiela.
Ubmisámegiel artista ja giellaberošteaddji rabaige dievasčoahkkima lávlagiin. Dalle dajai Barruk, ahte lea ilus go lea šaddan bajás Ruoŧa bealde go doppe sus lei vejolaš skuvllas oahppat ubmisámegiela. Dat ii leat vejolaš leamašan Norgga bealde go ubmi- ja biŧonsámegiella ja nuortalašgiella leat measta oalát jávkan.
–Lea erenomáš dál 29–jahkásažžan šaddat nu ilus. Son guldalii čoahkkima dien beaivve ja čierui go dovddastit historjjá, su historjjá. Vuosttas girjige mii Sámis almmuhuvvui lei ubmisámegillii, dadjá Barruk.
Dan ovcci sámegielas leat dál mátta-, julev- ja davvisámegiella almmolaš gielat Norggas. Sámelága mielde dat leat dásseárvosaččat dárogielain.
