NRK Meny
Normal

Illuda bivdit oahpes guovllus

Kárášjohkalaš Nils Ragnvald Dalseng gullá dan 295 joavkku searvái geaidda Fefo lea addán sarvvabivdinlobi.

Created by InfoDispatcher

GEAHČA VIDEO: Olbmuin lei stuorra beroštupmi geahččat ođđa njealljejuvllatsihkkeliid maid buvddat fáluhedje sidjiide. Govven/čuohppan: Nils John Porsanger

Su joavku beassá Goržžiroavi bivdosadjái, mii lea lahka su mánnávuođaruovttu Dálabogi.

Nils Rangvald Dalseng

ILUS: Nils Rangvald Dalseng.

Foto: Piera Balto / NRK

Gaskavahku eahkedis čielggai geat besset dán čavčča bivdui ja geat eai.

Elen Maria Gaup Eriksen, lea okta bivdiin gii ii fidnen bivdosaji ikte, muhto doaivu liigelistta bokte olahit bivdosaji.

Skurtnjaga go du joavku dál go ehpet fidnen bivdosaji?

Gal mii veaháš gal várra skurtnjagat, muhto mii leat hui čeahpit jeđđet guđet guimmiideamet, dadjá Gaup Eriksen.

Deanus eanemus

Elen Maria Gaup Eriksen

ŠLUNDON: Elen Maria Gaup Eriksen.

Foto: Piera Balto / NRK

Finnmárkkus addo lohpi oktiibuot 1066 sarvva báhčit. Eanemus besset báhčit Deanus, gos lea lohku biddjon 280 eallái.

Kárášjohka lea nubbin stuorámus ealgagielda ja dáppe lea mearri 235 sarvva.

Beroštupmi sarvvabivdui orru unnumin. Dán jagi ledje 1987 bivdi ohcan bivdolobi ja mannanjagi lei lohku 160 stuorát, namalassii 2147 olbmo sturrosaš. Dan dieđiha fefo.no.

Dás oainnát geat gos bivdet.

Elgtrekning - Nils Ragnvald Dalseng

Nils Ragnvalg Dalseng lei sávvan beassat bivdit Goržiroavis. Nu son beasságe.

Foto: Nils John Porsanger / NRK