NRK Meny
Normal

Ožžo skohtera

Unjárgga gielda ja Deanu Seastin Báŋku skeŋkiiga muohtaskohtera ILAR valáštallansearvái vai sáhttet doallat čuoiganláhttuid rabasin.

Inger Katrine Juuso, Jørn Ottar Olsen og Amund Utsi Pettersen
Foto: Nils Henrik Måsø / NRK

– Mun ávžžuhan eará gielddaid ja báŋkkuid čuovvolit min ovdamearkka. Gilddii lea hirbmat mávssolaš ahte gávdnojit eaktodáhtolaš searvvit mat láhčet dilálašvuođaid čuigiide, lohká Unjárgga sátnejođiheaddji Inger Katrine Juuso.

Ikte ostii su gielda ja Deanu Seastin Báŋku áibbas ođđa muohtaskohtera ja čuoiganláhttomášiinna ILAR nammasaš Unjárgga valáštallansearvái.

GULDAL: OŽŽO MUOHTASKOHTERA

Giitevačča

Jørn Ottar Olsen lei boahtán váldit vuosttá skeaŋkka man gielda, báŋku ja valáštallansearvi geigejedje. Son lohká dán buorre áigumuššan.

– Mii leat hirbmat giitevačča, dát mearkkaša ahte gieldda ássit ain besset hárjehallat, lohká Olsen.