NRK Meny
Normal

Ij Sveerje sijhth ILO-konvensjovnem nænnoestidh

Gellie laanth, Sveerjem raeriestamme edtja Ilo-konvensjovnem dah aalkoealmetji reaktoe bijre nænnoestidh. Dan bijre edtjieh daelie FNsne, Genevesne råårestalledh.

Annika Söder, Sveriges utenriksdepartement

Annika Söder, Sveerjen Ålkoerijhkedepartemeente.

Foto: Jörgen Heikki/Sameradion & SVT Sápmi

–Voestemes tjoerebe Saemie Konvensjovnem bijre laatjkedh, dihte Annika Söder, Sveerjen Ålkoerijhkedepartemeenteste jeahta.

Jåktan, FNen almetjereakta raerie Sveerjem goerehtalli guktie dah barkeme jih almetjenreaktoejde nænnoestidh. Daan øørnegen nomme Universal Periodic Review(UPR).

Daate lea mubpien aejkien Sveerjem guerehtallieh jih 100 laanth åadtjoeh gihtjedh jih raeriestidh.

Daam saerniem http://www.oddasat.se tjaala.

Tjïjhtje laanth Sveerjem raeriestamme.

Tjïjhtje laanth Sveerjem raeriestamme edtja dam ILO-konvensjovnem 169, dah aalkoealmetji reaktoe bijre nænnoestidh. Dah leah: Nicaragua, Guatemala, Danmarke, Nøørje, Brasile, Hondurase jih Usbekistane.

Åejvieulmie dan ILO-konvensjovnesne 169 lea dah alkoealmetjh edtjieh reaktoem utnedh jih sijjien kultuvrem vaarjelidh jih evtiedidh. Jih dah laanti myndighet tjuerieh daam barkoem nænnoestidh. Nøørje daam ILO-konvensjovnem 169, jaepien 1990 nænnoesti.

Sveerje nyøjhkoe.

Sveerje edtja muvhth daejstie gyjhtjelassijste duarstan vaestiedidh. Daam ILO-konvensjovne 169 aamhtesen bijre, Sveerje joe vaestiedamme. Ij gukt`amma sijhth dam nænnoestidh.

– Ibie maehtieh daelie dam konvensjovnem nænnoestidh. Tjoerebe voestegh vuejnedh mejtie saemiekonvensjovne sjædta. Sveerjen reereme tjuara daam gïehtjedidh jih daan bijre laatjkedh, Söder Oddasatese.se bievnede.