Ij la juohkemássjev dágástallam

Daniel Skjevik Aasberg, guhti l Oalgesbelludagá suohkanstivraájras Bálágin ja ájras aktisasjnammadusán Bálága suohkana bieles, javllá avijssaj Fremover sån ij la åvvånis ásjev dágástallam gujttimusáv departemænntaj sáddit jalik stáhtav riektá åvddåj giesset mij guosská gåggu departemænnta l mierredam Divtasvuona suohkanav juohket. Skjevik Aasberg ij jáhke suohkana vuojtti dáv ássjev stáhta vuosstáj, ájnat gå ássje ållo rudájt gájbbet.