NRK Meny
Normal

Ii searvva šat evttohassan válgii

Kjell Sæther lea leamaš sátnejođiheaddjin Kárášjogas guhta áigodaga. Dál dovdá iežas geargamin dáinna doaimmain.

Kjell Sæther
Foto: Eilif Aslaksen / NRK

Kárášjoga sátnejođiheaddji Kjell Sæther doaibmá dál guđát áigodaga, dáhje hui fárga 24 jagi leamaš sátnejođiheaddjin Kárášjogas Bargiidbellodaga ovddas. Dál son lea mearridan ahte ii šat joatke sátnejođiheaddji-evttohassan gielddaválggas mii čákčat lágiduvvo.

Dovdá geargan sátnejođiheaddjin

Kjell Sæther lea 63 jagi boaris, ja 24 jagi lea leamaš Kárášjoga sátnejođiheaddjin. Iežas dovdá leat bargan buori barggu, lohká ožžon bargosajiid báikái ja vuojadanáldása mainna guhká barggaid.

Beroštišgođii juo nuorran politihkas

Iežas lohká nuorran juo beroštišgoahtán politihkas. Ja dalle go son Erling Nordvika ja Finn Gustavsena ságastallamiid finai gullamin 1975:s, de gal easka buollái sus politihkken mokta. Dalle lei EF-ságastallan, ja dies dat vulgii.

Dál dokko áigu govvet ja luosaid bivdit

Iežas muitala áigut bargat daid bargguid masa eanemusat liiko go geargá poletihkain, namalassii govvidit ja luosaid bivdit. Dalle de beassá son návddašit friddjavuođa govvenaparáhtain ja oaggunstákkuin.