Ii oanit girdilangeainnu

– Leavnnja girdihápman Banak doalaha sin 2.788 mehtera guhkkosaš girdilangeainnu. Nu dajai Johtalusdepartemeanta stádačálli Tom Cato Karlsen preassakonferánssas Álttás ikte. Muhto dálvet hoiget muohttaga belohahkii vai sii besset hálddašit beaivválaš áibmojohtolaga. Avinor lea árát háliidit oanidit girdilanšillju 300 mehterin vai sestet olggosgoluid.