NRK Meny
Normal

– Dárbbašmeahttun hukset priváhta boarrásiidsiidda

Juovlavutnii Deanu gildii plánejuvvo ásahuvvot priváhta boarrásiidsiida.

Ordfører Frank Ingilæ.

Deanu sátnejođiheaddji Frank Ingilæ.

Foto: Dan Robert Larsen / NRK

Muhto gieldda sátnejođiheaddji Frank Ingilæ, ii oainne dárbbu dása.

Ingilæ muitala ahte Deanu gieldda fuolahusguovddážis ja buohccisiiddas leat ollu guoros sajit boarrásiid várás.

Eahpida plána menestuvvat

Danin ii loga leat dárbu šat ásahit priváhta boarrásiidda nie mot "Tana Bofellesskap" pláne Juovlavutnii. Sátnejođiheaddji eahpida ahte plána ásahit priváhta guovddáža menestuvvá:

Muhto jus dát gávpevuođđudus mii lea vuođđudeami vuolde, lihkostuvvá ulbmilin, de sátnejođiheaddji dattetge sávvá bures boahtima priváhta fálaldahkii.

Oallugat čájehedje beroštumi

Kåre Breivik

Interimstivrralahttu Kåre Breivik.

Foto: Eilif Aslaksen / NRK

Ievttá eahkeda vuolggaheaddjit lágidedje rabas álbmotčoahkkima ášši birra. Dohko ledje boahtán badjelaš vihttalot olbmo. Interimstivrralahttu Kåre Breivik lea duhtavaš.

Ulbmil lea ásahit priváhta boarrásiidsiidda seamma vissui gos gieldda boarrásiidsiida lea leamaš, ja maid gielda heaittihii go ásahedje ođđa boarrásiid fuolahusguovddáža Deanošaldái.