Ii ođđa váikkuhusguorahallan

Ii šatta ođđa ollislaš váikkuhusguorahallan Nussira ruvkeplánain Fálesnuoris.Nu čállá birasgáhttenministar Tine Sundtoft reivves Luonddugáhttenlihttui ja Natur og Ungdom-searvái.
Dát guokte birásgáhttenorganisašuvnna bivde ođđa guorahallama go čielggai ahte guovllus leat eambbo minerálat go álggos jáhkke. Nussir lea ohcan beassat vurkkodit ruvkebázahusaid Riehpovuonas. Birasdirektoráhtta lea ain meannudeme dan ohcama.