NRK Meny
Normal

Ii mieđit iežas sivalažžan

Odne álggii lagamannerievttis ášši gos ássáškuhtton almmái ii loga iežas sivalažžan nugo diggegoddii celkkii.

Hålogaland lagmannsrett

OLLES VAHKKU: Guoddaluvvon goddinášši Hålogalándda lágamánnerievttis bistá olles vahkku. Gurut bealde stáhtaadvokáhta ja áktor Torstein Hevnskjel, veahkkeadvokáhta Thomas Hansen, Steffen Andreassen Álttá leansmánnikantuvrras ja áššáskuhtton dievddu bealušteaddji Harald Stabell.

Foto: Liv Inger Somby

Otne meannudišgoahtá Hålogalándda lágamánneriekti guoddaluvvon goddinášši, mas almmái, guhte dubmejuvvui báhčán ja goddán Helge Manssverka su barttas Čuđejoganjálmmis Sis-Finnmárkkus, ii mieđit iežas sivalažžan.

Háliida áššehuhttot

Harald Stabell

Áššáskuhtton dievddu bealušteaddji Harald Stabell.

Foto: Arne Sørenes / NRK

Áššáskuhtton dievddu bealušteaddji Harald Stabell muitala ahte áššáskuhtton almmái háliida áššehuhttot go ii loga iežas dahkan dan iešdáhtos, ja sávvá ahte lágamánneriekti oaidná dan.

Áššáskuhtton 49 jahkásaš Guovdageainnu dievdu celkkii, ahte ii leat sivalaš goddináššis. Ii áigun geange goddit, dušše baldit ja nu bážii vahágis, dadjá Stabell.

Bistá čieža beaivvi

Čieža beaivvi lea Hålogalándda lágamánneriekti várren dán áššái, vihtta beaivvi Romssas, ja guokte Guovdageainnus.

Ođđa vihtán

Go lea sáhka duođaštusaid birra de ii leat das nu ollu stuorra erohus, eará go ahte dál lea ođđa vihtán, iige háliit dađi eanet vuos dadjat maidige dan birra, dadjá Stabell.

Stabell oaivvilda ahte dát lea hirbmat surgadis ja duođalaš ášši buohkaide geaidda dát guoská.