Ii luoittašii váldet mielde
Sosialisttalaš gurutbellodat ii luoittášii turisttaid váldet mielde ruoktot guliid, maid dáppe leat bivdán. -Dát ortnet ii leat eará riikkain go Norggas. Lohká Sosialisttalaš gurutbellodaga stuorradiggeválggaid 1.evttohas Torgeir Knag Fylkesnes. Son ii leat guolástusturismma vuostá, muhto lohká ahte fertejit bissehit ortnega, mii addá juohke olbmui lobi fievrridit rastá rájá 20 ja 10 kilo guoli vahkkosaččat.